பள்ளி செல்லா குழந்தைகள்!

• 

அனைவருக்கும் கல்வி இயக்ககத்தின் மாநில இயக்குனரக உத்தரவை அடுத்து, மாநிலம் முழுவதும் ஆண்டுதோறும் 6 முதல் 14 வயது வரை உள்ள, பள்ளி செல்லா குழந்தைகள் மற்றும் மாற்றுத்திறனாளிகளை கணக்கெடுக்கும் பணி நடைபெற்று வருகிறது.

இந்த ஆண்டு ஏப்ரல் 10ம் தேதி துவங்கிய இந்தக் கணக்கெடுப்பின்படி 6-10 வயது வரை, 18,216 பேரும், 11 முதல் 4 வரை 29,160 பேரும் பள்ளி செல்லாமல் இருப்பது கண்டுபிடிக்கப்பட்டுள்ளது.

அதிகபட்சமாக, விழுப்புரம் மாவட்டத்தில் 4,587 குழந்தைகளும், குறைந்தபட்சமாக நீலகிரி மாவட்டத்தில் 462 குழந்தைகளும் பள்ளி செல்லாமல் உள்ளனர். மொத்தமுள்ள 47,376 பள்ளி செல்லா குழந்தைகள் தற்போது பள்ளிகளிலும் சிறப்பு மையங்களிலும் சேர்க்கப்பட்டிருக்கிறார்கள்.