TEACHER ELIGIBILITY TEST APPLICATIONS WILL BE ISSUED FROM JUNE 17

ஆசிரியர் தகுதித்தேர்வு: ஜூன் 17 முதல் விண்ணப்பம் விநியோகம்

By dn, சென்னை

First Published : 22 May 2013 12:41 PM IST

• புகைப்படங்கள்

• 

ஆசிரியர் தகுதித் தேர்வுக்கு ஜூன் 17ம் தேதி முதல் விண்ணப்பங்கள் வழங்கப்படுவதாக தமிழ்நாடு ஆசிரியர் தகுதித் தேர்வு வாரியம் அறிவித்துள்ளது.

பூர்த்தி செய்யப்பட்ட விண்ணப்பங்களை ஜூலை 1ம் தேதிக்குள் சமர்ப்பிக்க வேண்டும் என்று அறிவிக்கப்பட்டுள்ளது. டிஇடி ஆசிரியர் தகுதித் தேர்வு முதல் தாள் ஆகஸ்ட் 17ம் தேதியும், இரண்டாம் தாள் ஆகஸ்ட் 18ம் தேதியும் நடைபெறுகிறது.

இத்தேர்வுகள் காலை 10 மணி முதல் பிற்பகல் 1 மணி வரை நடைபெறும். தேர்வுக்கான கட்டணம் பொதுப்பிரிவினருக்கு ரூ. 500ம், எஸ்சி., எஸ்டி பிரிவினருக்கு ரூ.250ம் நிர்ணயிக்கப்பட்டுள்ளது. இந்த தேர்வு அடிப்படையில் உதவிப் பேராசிரியர் நியமனத்தை முடித்திட டி.ஆர்.பி திட்டமிட்டுள்ளது.2013ம் ஆண்டுக்கான ஆசிரியர் தகுதித் தேர்வு குறித்து தமிழ்நாடு ஆசிரியர் தகுதித் தேர்வு வாரியம் அறிவித்துள்ளது. ஜுன் 17ம் தேதி முதல் விண்ணப்பம் விநியோகம் துவங்கும் என்றும் விண்ணப்பங்களை பூர்த்தி செய்து அனுப்ப கடைசி நாள் ஜுலை 1 ம் தேதி ஆகும்.

ஆசிரியர் தகுதி தேர்வு முதல் தாள் ஆகஸ்ட் 17ம் தேதியும், இரண்டாம் தாள் ஆகஸ்ட் 18ம் தேதியும் நடைபெறும் என ஆசிரியர் தேர்வு வாரியம் தகவல் தெரிவித்துள்ளது.

இதற்கிடையே, 1,100 உதவிப் பேராசிரியர் நியமனத்தை முடித்திடவும், டி.ஆர்.பி., திட்டமிட்டு உள்ளது. தமிழக அரசு அறிவித்து, இரு ஆண்டுகள் ஆகியும், இன்னும் இந்தப் பணி நியமனம் நடக்கவில்லை. இந்த விவகாரம், சென்னை, ஐகோர்ட்டுக்கு சென்ற நிலையில், ஒன்பது மாதங்களுக்குள், உதவிப் பேராசிரியர் நியமனத் தேர்வை முடிக்க வேண்டும் என, ஐகோர்ட் உத்தரவிட்டு உள்ளதாகவும், டி.ஆர்.பி., வட்டாரங்கள் தெரிவித்தன.