CBSE பள்ளி ஆசிரியர் பணி: 2014க்கான தகுதி தேர்வு அறிவிப்பு

By Venkatesan Sr

First Published : 13 October 2013 01:14 PM IST

• புகைப்படங்கள்

• 

CBSE பாடத்திட்டத்தின் கீழ் இயங்கி வரும் மத்திய அரசு பள்ளிகளில் காலியாக உள்ள தொடக்கப்பள்ளி மற்றும் நடுநிலைப் பள்ளி ஆசிரியர் பணிக்கான ஆசிரியர் தகுதித் தேர்வு-2014க்கான அறிவிப்பு வெளியிடப்பட்டுள்ளது. தகுதியும் விருப்பமும் உள்ளவர்கள் ஆன்லைன் மூலம் விண்ணப்பிக்குமாறு கேட்டுக்கொள்ளப்படுகிறார்கள்.

நுழைவுத்தேர்வின் பெயர்: Central Teacher Eligibility Test (CTET)-Feb -2014

நுழைவத்தேர்வு நடைபெறும் நாள்: 16.02.2014

கல்வித்தகுதி: 50 சதவிகித மதிப்பெண்களுடன் +2 தேர்ச்சியுடன் இரண்டு வருட டிப்ளமோ ஆசிரியர் பயிற்சி முடித்திருக்க வேண்டும். அல்லது ஏதாவதொரு பட்டபடிப்புடன் பி.எட். பட்டம் பெற்றிருக்க வேண்டும்.

தேர்வு செய்யப்படும் முறை: தகுதியான விண்ணப்பதாரர்கள் CTET நுழைவுத் தேர்வு மூலம் பணிக்கு தேர்வு செய்யப்படுவார்கள்.

+2 மற்றும் டிப்ளமோ ஆசிரியர் பயிற்சி முடித்தவர்கள் நுழைவுத்தேர்வில் வெற்றி பெறும்பட்சத்தில் மத்திய அரசின் கீழ் செயல்படும் CBSE பள்ளிகளில் தொடக்கப்பள்ளி ஆசிரியர் பணிக்கு தேர்வு செய்யப்படுவார்கள்.

பட்டப்படிப்பு மற்றும் பி.எட் முடித்தவர்கள் நடுநிலைப்பள்ளி ஆசிரியர் பணிக்கு தேர்வு செய்யப்படுவார்கள்.

விண்ணப்ப கட்டணம்: தாள் I அல்லது II இரண்டு எழுதுபவர்களுக்கு ரூ.500. தாழ்த்தப்பட்டோர், பழங்குடியினர் மற்றும் மாற்றுத்திறனாளிகளுக்கு ரூ.250. தாள் I மற்றும் தாள் II இரண்டு எழுதுபவர்களுக்கு ரூ.800. தாழ்த்தப்பட்டோர், பழங்குடியினர் மற்றும் மாற்றுத்திறனாளிகளுக்கு ரூ.400. இதனை ''Secretary, Central Board of Secondary Education, Delhi  என்ற பெயரில் தில்லியில் மாற்றத்தக்க வகையில் டி.டி.யாக எடுத்து அனுப்ப வேண்டும். டி.டி.யின் பின் புறம் விண்ணப்பத்தின் பதிவு எண், விண்ணப்பதாரரின் பெயர், முகவரி, தொலைபேசி எண் ஆகியவற்றை குறிப்பிடவும்.

விண்ணப்பிக்கும் முறை: www.ctet.nic.in அல்லது www.cbse.nic.in என்ற இணையதளத்தின் மூலம் ஆன்லைனில் விண்ணப்பிக்கவும். ஆன்லைனில் விண்ணப்பித்த பின் அதன் பிரிண்ட் அவுட்டை பதிவிறக்கம் செய்து தேவையான சான்றுகளின் நகல்களுடன் பதிவு/விரைவு அஞ்சலில் அனுப்ப வேண்டும்.

எழுத்துத்தேர்வு நடைபெறும் தேதி:

தாள் I (வகுப்பு I to V) : 16 Feb, 2014 (09.30 AM to 12.00 PM)

தாள் II (வகுப்பு VI to VIII) : 16th Feb, 2014 (14.00 PM to 16.30 PM)

எழுத்துத் தேர்வுக்கான காலம் 2.30 மணி நேரமாக அதிகரிக்கப்பட்டுள்ளது.

ஆன்லைனில் விண்ணப்பிப்பதற்கான கடைசி நாள்: 31.10.2013

விண்ணப்பத்தை அஞ்சலில் அனுப்ப வேண்டிய முகவரி:

The Assistant Secretary (CTET), Central Board of Secondary Education , PS 1 -2 , Institutional Area, I.P Extn, Patparganj , Delhi- 110 092

மேலும் முழுமையான விவரங்கள் அறிய www.ctet.nic.in or www.cbse.nic.in என்ற இணையதளத்தைப் பார்க்கவும்.