இணை இயக்குனர் பணியிடம் காலி

சென்னை:தேர்வுத்துறை இணை இயக்குனர் ஆரோக்கியசாமி, மார்ச் 31ல் ஓய்வு பெற்றார். இந்த பணியிடம், பணியாளர் தொகுதி இணை இயக்குனர் தங்கமாரியிடம், கூடுதல் பொறுப்பாக வழங்கப்பட்டுள்ளதாக, துறை வட்டாரங்கள் தெரிவித்தன. பிளஸ் 2 விடைத்தாள் திருத்தும் பணிகள், நடந்து வரும் நேரத்தில், மேல்நிலைக்கல்விக்கு என, இணை இயக்குனர் இருந்தால் தான், உரிய நேரத்தில், தேர்வு முடிவுகளை வெளியிட முடியும். மேலும்,10 ம் வகுப்பு தேர்வுப்பணியில் உள்ள இணை இயக்குனரிடம், கூடுதல் பொறுப்பாக ஒப்படைப்பதால், பிளஸ் 2 விடைத்தாள் திருத்தும் பணிகளில் தொய்வு ஏற்பட்டுவிடும் என்று, துறை வட்டாரங்கள் தெரிவிக்கின்றன.